ജനുവരി ട്രാൻസ്ഫർ വിൻഡോയിലെ ആദ്യ ട്രാൻസ്ഫർ ഇറ്റാലിയൻ ക്ലബായ യുവന്റ്സ് ഉടൻ പൂർത്തിയാക്കും. ഫ്രഞ്ച് യുവ മിഡ്ഫീൽഡറായ അബ്ദുലയ് ദാബോ ആണ് യുവന്റസിലേക്ക് എത്തുന്നത്‌. ഇപ്പോൾ ലീഗ് വൺ ക്ലബായ നാന്റെസിന്റെ താരമാണ് ഡാബോ. സ്കൈ ഇറ്റാലിയ ആണ് താരത്തിന്റെ ട്രാൻസ്ഫർ സംബന്ധിച്ചുള്ള വാർത്തകൾ പുറത്തു വിട്ടത്. ആറു മാസത്തെ ലോണിൽ ആകും താരം ഇറ്റലിയിൽ എത്തുക.
ഈ സമ്മറിൽ യുവന്റസ് സ്ഥാരത്തെ സ്ഥിര കരാറിൽ സൈൻ ചെയ്യും. നാന്റെസിൽ സീനിയർ ടീമിലേക്ക് താരം എത്തി എങ്കിലും യുവന്റസ് തുടക്കത്തിൽ ഡാബോയെ അണ്ടർ 23 ടീമിലാകും കളിപ്പിക്കുക. പതുക്കെ മാത്രമെ താരം യുവന്റസ് സീനിയർ ടീമിലേക്ക് എത്തുകയുള്ളൂ. 2014 മുതൽ നാന്റെസിനൊപ്പം ഉള്ള താരമാണ് ഡാബോ. ഫ്രാൻസിന്റെ യുവ ടീമുകൾക്കായും കളിച്ചിട്ടുണ്ട്.
