അയാക്സിന്റെ ക്യാപ്റ്റൻ ഡി ലിറ്റിനെ കൂടെ യുവന്റസ് സ്വന്തമാക്കുകയാണെങ്കിൽ പിന്നെ സീരി എ നടത്തേണ്ടതില്ല എന്ന് മുൻ റയൽ മാഡ്രിഡ് പരിശീലകൻ ഫാബിയോ കപെല്ലോ. യുവന്റസും ഡിലിറ്റുമായി കരാർ ധാരണായി എന്ന റിപ്പോർട്ടുകൾ വരുന്നതിനിടെയാണ് കപെല്ലോയുടെ പ്രതികരണം. ഡി ലിറ്റ് കൂടെ വന്നാൽ പിന്നെ അടുത്ത സീസണിൽ ഇറ്റലിയിൽ കിരീട പോരാട്ടമേ ഉണ്ടാകില്ല. കപെല്ലോ പറഞ്ഞു.
ഡി ലിറ്റിന്റെ സാന്നിദ്ധ്യം യുവന്റസിനെ ചാമ്പ്യന്മാരാക്കും അതുകൊണ്ട് ഈ സീസൺ ഉപേക്ഷിച്ച് അതിന്റെ അപ്പുറത്തെ സീസൺ നോക്കിയാൽ മതി എന്നും കപ്പെല്ലോ പറഞ്ഞു. ഡിലിറ്റ് ഗംഭീര താരമാണ്. ഡി ലിറ്റ് ഉണ്ടെങ്കിൽ ഫുൾബാക്കുകൾക്ക് ധൈര്യത്തിൽ മുന്നേറാൻ കഴിയും എന്നും അയാക്സിൽ നടത്തിയതൊക്കെ യുവന്റസിലും ഡി ലിറ്റ് ആവർത്തിക്കും എന്നും കപ്പെല്ലോ പറഞ്ഞു.
