പോർച്ചുഗീസ് റൈറ്റ് ബാക്ക് ആയ ഡിയാഗോ ഡാലോട് ലോൺ കാലാവധി കഴിഞ്ഞാലും എ സി മിലാനിൽ തുടർന്നേക്കും. മാഞ്ചസ്റ്റർ യുണൈറ്റഡ് വിട്ടു ലോണിൽ എ സി മിലാനിൽ കളിക്കുകയാണ് ഡാലോട്ടിപ്പോൾ. 21 കാരനായ താരം മിലാനിൽ മെച്ചപ്പെട്ട പ്രകടനമാണ് കാഴ്ചവെക്കുന്നത്‌. ഈ സീസണിൽ ഇതുവരെ 16 മത്സരങ്ങൾ ഡാലോട്ട് കളിച്ചിട്ടുണ്ട്.
15മില്യൺ നൽകി ഡാലോട്ടിനെ വാങ്ങാൻ ആണ് മിലാൻ ശ്രമിക്കുന്നത്. മാഞ്ചസ്റ്റർ യുണൈറ്റഡിൽ വലിയ പ്രതീക്ഷയോടെ എത്തിയ യുവതാരത്തിന് യുണൈറ്റഡിൽ തന്റെ മികവ് തെളിയിക്കാൻ ആയിരുന്നില്ല. ഒലെയുടെ കീഴിൽ മാച്ച് സ്ക്വാഡിൽ പോലും എത്താൻ ഡാലോട്ടിനായിരുന്നില്ല. പോർട്ടോയിൽ നിന്നായിരുന്നു രണ്ട് വർഷം മുമ്പ് 19കാരനായിരിക്കെ ഡിയാഗോ ഡാലോട്ട് യുണൈറ്റഡിലേക്ക് എത്തിയത്.
