ബാഴ്സലോണയുടെ ഫ്രഞ്ച് പ്രതിരോധ താരം സാമുവൽ ഉംറ്റിറ്റിയെ നോട്ടമിട്ട് ഇറ്റാലിയൻ ക്ലബ്ബ് എ.എസ് റോമ. ഒരു വർഷത്തെ ലോണിലെങ്കിലും ഉംറ്റിറ്റിയെ റോമിലെത്തിക്കാനാണ് റോമ ശ്രമിക്കുന്നത്. വേജ് ബില്ല് കുറക്കാൻ താരങ്ങളെ ഒഴിവാക്കാൻ ശ്രമിക്കുന്ന ബാഴ്സലോണക്കും ഉംറ്റിറ്റിയെ ലോണിലയക്കാൻ താത്പര്യമുണ്ടെന്നാണ് ക്യാമ്പ് നൗവിൽ നിന്നുമുള്ള റിപ്പോർട്ടുകൾ.
യുണൈറ്റഡിൽ നിന്നും ലോണിലെത്തിയ സ്മാളിംഗ് തീരികെ പോവുമെന്നത് ഏകദേശമുറപ്പായതിനാൽ ഉംറ്റിറ്റിയെ ടീമിലെത്തിക്കാനാണ് റോമയുടെ ശ്രമം. ഫ്രഞ്ച് ദേശീയ ടീമിലും ബാഴ്സയിലും ക്ലമന്റ് ലെംഗ്ലെറ്റിനോട് സ്ഥാനം നഷ്ടമായീരിക്കുകയാണ് ഉംറ്റിറ്റിക്ക്. 2023വരെ ബാഴ്സലോണയിൽ കരാറുണ്ട് ഉംറ്റിറ്റിക്ക്. ബാഴ്സയുടെ പ്രതിരോധത്തിൽ ഇപ്പളും പിക്ക്വെ നായകസ്ഥാനം വഹിക്കുമ്പോൾ പ്ലേയിംഗ് ടൈമിനായി പോരാടുകയാണ് ഉംറ്റിറ്റി.
