ബാഴ്സലോണയുടെ ബ്രസീലിയൻ താരം മാൽകോമിനെ സ്വന്തമാക്കാൻ ഒരുങ്ങി ബൊറുസിയ ഡോർട്ട്മുണ്ട്. 42 മില്ല്യൺ യൂറോ ബ്രസീലിയൻ താരത്തിനായി മുടക്കാനും ബൊറുസിയ ഡോർട്ട്മുണ്ട് തയ്യാറാണെന്നാണ് സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നത്. റോമ കരാർ ഉറപ്പിച്ച മാൽകോമിനെ ഹൈജാക്ക് ചെയ്താണ് ബാഴ്സലോണ ടീമിലെത്തിച്ചത്.
മധ്യനിര താരമായ മാൽകോം എന്നാൽ ലാ ലീഗയിൽ അധികം തിളങ്ങാനായില്ല. പരിക്കും താരത്തിന്റെ സ്പാനിഷ് കരിയറിന് തിരിച്ചടിയായിരുന്നു. ബോർഡോക്സിന്റെ താരമായിരുന്ന മാൽകോം ബ്രസീൽ ജൂനിയർ ടീമുകൾക്ക് വേണ്ടി കളിച്ചിട്ടുണ്ട്.
