ബാഴ്സലോണ യുവതാരം കാർലെസ് അലേനയെ സ്പാനിഷ് ക്ലബായ ഗ്രാനഡ സ്വന്തമാക്കിയേക്കും. താരത്തെ വിൽക്കാൻ ആണ് ബാഴ്സലോണയും ശ്രമിക്കുന്നത്. ഗ്രാനഡയുടെ പുതിയ പരിശീലകനായ റൊബേർട്ട് മൊറേനോയുടെ ഇഷ്ട താരമാണ് അലേന. ബാഴ്സലോണയിൽ അവസരം കിട്ടാതിരുന്ന അലേന കഴിഞ്ഞ സീശണിൽ ലോണിൽ പോവുക ആയിരുന്നു.
ലോണടിസ്ഥാനത്തിൽ ഗെറ്റഫെയിൽ ആണ് താരം അവസാനം കളിച്ചത്. അതിനു മുമ്പ് അലേന റയൽ ബെറ്റിസിലും ലോണിൽ പോയിരുന്നു. ബാഴ്സലോണയുടെ അണ്ടർ 8 ടീം മുതൽ ക്ലബിനൊപ്പം ഉള്ള താരമാണ് അലേന. ബാഴ്സലോണ സീനിയർ ടീമിനു വേണ്ടി ഇതുവരെ നാൽപ്പതോളം മത്സരങ്ങൾ താരം കളിച്ചിട്ടുണ്ട്. 3 ഗോളുകളും നേടിയിട്ടുണ്ട്. ഇനിയും ലോണിൽ പോകാൻ താരം താല്പര്യപ്പെടുന്നില്ല.
