ഇന്ന് കോഴിക്കോട് ഇഎംഎസ് കോർപ്പറേഷൻ സ്റ്റേഡിയത്തിൽ ഹീറോ സൂപ്പർ കപ്പ് ഫൈനലിൽ ഒഡീഷ എഫ്‌സിയെ നേരിടുമ്പോൾ തന്റെ ടീമിന് കിരീടം നേടാൻ ആകും എന്ന ആത്മവിശ്വാസത്തിലാണ് ബെംഗളൂരു എഫ്‌സി ഹെഡ് കോച്ച് സൈമൺ ഗ്രേസൺ. സീസണിലെ ബെംഗളൂരു എഫ് സിയുടെ മൂന്നാമത്തെ ഫൈനൽ ആണിത്‌. ഡ്യൂറൻഡ് കപ്പിലും ഐ എസ് എൽ ഫൈബലിലും നേരത്തെ ബെംഗളൂരു എഫ് സി എത്തിയിരുന്നു.
ഈ സീസണിൽ തങ്ങൾ എത്രത്തോളം മുന്നേറി എന്നതിൽ തന്റെ ടീം അഭിമാനിക്കുകയും അതിൽ നിന്ന് പ്രചോദനം ഉൾക്കൊണ്ട് പ്രവർത്തിക്കുകയും ചെയ്യണമെന്ന് ഗ്രേസൺ പറഞ്ഞു. “ഞങ്ങൾ മറ്റൊരു ഫൈനലിൽ എത്തിയിരിക്കുന്നു, മുമ്പത്തെ ഫൈനലുകൾ പോലെ, ഞങ്ങൾ ഈ ഫൈനലും വിജയിക്കാൻ ആഗ്രഹിക്കുന്നു. ഞങ്ങളാൽ കഴിയുന്ന ഏറ്റവും മികച്ചത് ഞങ്ങൾ നൽകുന്നുണ്ടെന്ന് ഉറപ്പാക്കുക. ഹീറോ ഐ‌എസ്‌എൽ ഫൈനൽ പെനാൽറ്റിയിൽ തോറ്റതിൽ ഞങ്ങൾ നിരാശരായിരുന്നു” ഗ്രെയ്‌സൺ മത്സരത്തിന് മുമ്പുള്ള പത്രസമ്മേളനത്തിൽ പറഞ്ഞു.
ഹീറോ സൂപ്പർ കപ്പ് ജയിക്കണം എന്നും എ എഫ് സി കപ്പ് യോഗ്യത ഉറപ്പിക്കാനും ആകണം എന്നും അദ്ദേഹം പറഞ്ഞു. ഈ ഫൈനൽ വരെയുഅ യാത്ര ഞങ്ങൾക്ക് ഒരു വലിയ നേട്ടമാണ്, ഇനിയും കൂടുതൽ കാര്യങ്ങൾ നേടാൻ ഞങ്ങൾ ആഗ്രഹിക്കുന്നു. അദ്ദേഹം കൂട്ടിച്ചേർത്തു.
