കൊൽക്കത്ത ഡെർബിയിൽ മോഹൻ ബഗാനെ പരാജയപ്പെടുത്തി ഈസ്റ്റ് ബംഗാൾ കലിംഗ സൂപ്പർ കപ്പ് സെമി ഫൈനലിലേക്ക് കടന്നു. ഇന്ന് നടന്ന കൊൽക്കത്ത ഡെർബിയിൽ ഒന്നിനെതിരെ മൂന്നു ഗോളുകൾക്കായിരുന്നു ഈസ്റ്റ് ബംഗാളിന്റെ വിജയം. തുടക്കത്തിൽ ഒരു ഗോളിന് മോഹൻ ബഗാൻ മുന്നിട്ടുനിന്ന ശേഷമാണ് ഈസ്റ്റ് ബംഗാൾ തിരിച്ചടിച്ച് വലിയ വിജയം നേടിയത്.
പത്തൊമ്പതാം മിനിറ്റിൽ ഹെക്ടറിലൂടെ ആയിരുന്നു മോഹൻ ബഗാന്റെ ലീഡ് എടുത്ത ആദ്യ ഗോൾ. ഇതിന് 24ാം മിനിറ്റിൽ ക്ലൈറ്റൻ സിൽവയിലൂടെ ഈസ്റ്റ് ബംഗാൾ മറുപടി നൽകി. ആദ്യപകുതിയുടെ അവസാനം മോഹൻ ബഗാന് വീണ്ടും ലീഡ് എടുക്കാൻ ഒരു പെനാൽറ്റിയിലൂടെ അവസരം ലഭിച്ചു. എന്നാൽ പെനാൽറ്റി ലക്ഷ്യത്തിൽ ആക്കാൻ കഴിഞ്ഞില്ല. രണ്ടാം പകുതിയിൽ കൂടുതൽ അക്രമിച്ച് കളിച്ച ഈസ്റ്റ് ബംഗാൾ 63 മിനിറ്റിൽ നന്ദകുമാർ ശേഖറിന്റെ ഗോളിൽ ലീഡ് എടുത്തു
പിന്നീട് 80 മിനിറ്റിൽ ക്ലൈറ്റൻ സില്വ വീണ്ടും ഗോൾ നേടിയതോടെ വിജയമുറപ്പിച്ചു.
ഗ്രൂപ്പ് ഘട്ടത്തിലെ മൂന്നു മത്സരങ്ങളും വിജയിച്ചാണ് ഈസ്റ്റ് ബംഗാൾ സെമിഫൈനലിലേക്ക് മുന്നേറുന്നത്. മോഹൻ ബഗാനാകട്ടെ എഫ് സി കപ്പിലെയും ഐഎസ്എല്ലിലെയും നിരാശ സൂപ്പർ കപ്പിലും തുടരുന്നതാണ് കാണാൻ കഴിഞ്ഞത്.
