കേരള ബ്ലാസ്റ്റേഴ്സ് ഇന്ന് സൂപ്പർ കപ്പിലെ അവരുടെ അവസാന മത്സരത്തിന് ഇറങ്ങും. ഇന്ന് നോർത്ത് ഈസ്റ്റ് യുണൈറ്റഡ് ആണ് ബ്ലാസ്റ്റേഴ്സിന്റെ എതിരാളികൾ. ഇതിനകം തന്നെ കേരള ബ്ലാസ്റ്റേഴ്സ് ടൂർണമെന്റിൽ നിന്ന് പുറത്തായിട്ടുണ്ട്. അതിനാൽ ഇന്നത്തെ ഫലം പ്രാധാന്യമുള്ളതല്ല. അതുകൊണ്ട് തന്നെ ബ്ലാസ്റ്റേഴ്സ് യുവതാരങ്ങൾക്ക് ഇന്ന് കൂടുതലായി അവസരം നൽകും എന്ന് പ്രതീക്ഷിക്കപ്പെടുന്നു. വിജയത്തോടെ കേരളത്തിലേക്ക് മടങ്ങാൻ തന്നെയാകും ബ്ലാസ്റ്റേഴ്സ് ശ്രമിക്കുക.
ഗ്രൂപ്പിലെ ആദ്യ മത്സരത്തിൽ ഷില്ലോംഗ് ലജോംഗിനെ തോൽപ്പിച്ച ബ്ലാസ്റ്റേഴ്സ് പക്ഷെ രണ്ടാം മത്സരത്തിൽ ബ്ലാസ്റ്റേഴ്സ് ജംഷദ്പൂരിനോട് പരാജയം ഏറ്റുവാങ്ങിയിരുന്നു. ജംഷദ്പൂർ ആണ് ഗ്രൂപ്പിൽ നിന്ന് സെമിയിലേക്ക് മുന്നേറിയത്. ഇന്ന് രാത്രി 7.30നാണ് മത്സരം നടക്കുന്നത്.
