സൂപ്പർ കപ്പിലെ രണ്ടാം മത്സരത്തിൽ കേരള ബ്ലാസ്റ്റേഴ്സ് ഇന്ന് ശ്രീനിധി ഡെക്കാനെ നേരിടും. കോഴിക്കോട് ഇ എം എസ് സ്റ്റേഡിയത്തിൽ നടക്കുന്ന മത്സരം വൈകിട്ട് 5 മണിക്കാണ് നടക്കുക. കളി ഫാൻകോഡ്, സോണി ലൈവ് ആപ്പുകൾ വഴിയും സോണി സ്പോർട്സ് വഴിയും തത്സമയം കാണാം. ഗ്രൂപ്പിലെ ആദ്യ മത്സരത്തിൽ കേരള ബ്ലാസ്റ്റേഴ്സ് പഞ്ചാബ് എഫ് സിയെ 3-1ന് തോൽപ്പിച്ചിരുന്നു. ഇന്ന് വിജയിച്ചാൽ ബ്ലാസ്റ്റേഴ്സിന് ഗ്രൂപ്പിലെ ഒന്നാം സ്ഥാനം നിലനിർത്താം.
ശ്രീനിധി ഡെക്കാൻ അവരുടെ ആദ്യ മത്സരത്തിൽ ബെംഗളൂരു എഫ് സിയെ സമനിലയിൽ തളച്ചിരുന്നു. ഇന്ന് നടക്കുന്ന രണ്ടാം മത്സരത്തിൽ രാത്രി 8 മണിക്ക് ബെംഗളൂരു എഫ് സിയും പഞ്ചാബ് എഫ് സിയും തമ്മിലും ഇ എം എസ് സ്റ്റേഡിയത്തിൽ വെച്ച് ഏറ്റുമുട്ടും.
