കേരള ബ്ലാസ്റ്റേഴ്സ് സൂപ്പർ കപ്പ് ഗ്രൂപ്പ് ഘട്ടത്തിലെ അവസാന മത്സരത്തിൽ ബെംഗളൂരു എഫ് സിയെ നേരിടുകയാണ്. കോഴിക്കോട് ഇ എം എസ് സ്റ്റേഡിയത്തിൽ നിറഞ്ഞ ഗ്യാലറിക്ക് മുന്നിൽ ഇറങ്ങിയ ബ്ലാസ്റ്റേഴ്സ് ആദ്യ പകുതിയിൽ ഒരു ഗോളിന് പിറകിൽ നിൽക്കുകയാണ്. ഇന്ന് വിജയിച്ചാൽ മാത്രമെ കേരള ബ്ലാസ്റ്റേഴ്സിന് സെമി ഫൈനൽ പ്രീതീക്ഷ വെക്കാൻ ആകൂ.
മികച്ച രീതിയിൽ ആണ് ബ്ലാസ്റ്റേഴ്സ് ഇന്ന് മത്സരം ആരംഭിച്ചത്. വലതു വിങ്ങിലൂടെ സൗരവിന്റെ നേതൃത്വത്തിക് രണ്ട് നല്ല മുന്നേറ്റങ്ങൾ നടത്താൻ ബ്ലാസ്റ്റേഴ്സിന് ആയെങ്കിലും ലക്ഷ്യം കണ്ടില്ല. 23ആം മിനുട്ടിൽ ആണ് ബെംഗളൂരു എഫ് സി ലക്ഷ്യം കണ്ടത്. റോയ് കൃഷ്ണയിലൂടെ ആയിരുന്നു ബെംഗളൂരു എഫ് സിയുടെ ഗോൾ. ഈ ഗോൾ ബെംഗളൂരു എഫ് സിയെ ശക്തരാക്കി. ഇതിനു ശേഷം ബെംഗളൂരു എഫ് സി നല്ല അവസരങ്ങൾ സൃഷ്ടിക്കാനും തുടങ്ങി. എങ്കിലും ആദ്യ പകുതിയിൽ കളി 1-0 എന്ന് തുടർന്നു.
ഇനി രണ്ടാം പകുതിയിൽ എല്ലാം നൽകി തിരിച്ചടിക്കുക ആകും കേരള ബ്ലാസ്റ്റേഴ്സിന്റെ ലക്ഷ്യം.
