സ്പെയിൻ ഈ ലോകകപ്പിൽ നടത്തുന്ന മികച്ച പ്രകടനങ്ങൾക്ക് കാരണക്കാരൻ സാവി ആണ് എന്ന് ബാഴ്സലോണ പ്രസിഡന്റ് ലപോർടെ. സ്പെയിനിന്റെ പ്രകടനം അതിശയകരമാണെന്ന് പറഞ്ഞ ലപോർടെ തങ്ങളുടെ കളിക്കാർ ദേശീയ ടീമിൽ എങ്ങനെ കളിക്കുന്നുവെന്ന് കാണുന്നത് ബാഴ്‌സയ്ക്ക് അഭിമാനമാണ് എന്നു പറഞ്ഞു.
ഈ ലോകകപ്പിൽ ബ്രസീലിനും ഫ്രാൻസിനും ഒപ്പം ലോകകപ്പ് നേടാൻ സാധ്യ ഏറെയുള്ള ഫേവറിറ്റുകളിലൊന്നാണ് സ്പെയിൻ എന്നും അദ്ദേഹം പറയുന്നു. സാവിയുടെ പങ്ക് ഇതിൽ ഉണ്ട്. ഞങ്ങൾ ലാലിഗയിൽ ഒന്നാമതാണ്. സ്പാനിഷ് ദേശീയ ടീമിൽ സംഭവിക്കുന്നത് സാവിയുടെ നല്ല പ്രവർത്തനത്തിന്റെ അനന്തരഫലമാണ്. അദ്ദേഹം തുടർന്നു.
ഈ ദേശീയ ടീമിലുള്ള താരങ്ങൾക്ക് സാവി ബാഴ്‌സയുടെ ആദ്യ ടീമിൽ കുറേ അവസരങ്ങൾ നൽകുന്നുണ്ട്. അതാണ് ഈ താരങ്ങൾ ഇത്ര നല്ല പ്രകടനം നടത്താൻ കാരണം എന്നും അദ്ദേഹം കൂട്ടിച്ചേർത്തു.
