എ ഐ എഫ് എഫ് ജനറൽ സെക്രട്ടറി ആയ ഷാജി പ്രഭാകരനെ ആ സ്ഥാനത്ത് നിന്ന് പുറത്താക്കിയതായി റിപ്പോർട്ടുകൾ. ഷാജി പ്രഭാകരനോട് രാജി വെക്കാൻ ഔദ്യോഗികമായി എ ഐ എഫ് എഫ് പറഞ്ഞതായാണ് റിപ്പോർട്ടുകൾ. പകരം ഡെപ്യൂട്ടി ജനറൽ സെക്രട്ടറി ആയ സത്യനാരായൺ സെക്രട്ടറി ആകും എന്നാണ് സൂചന.
2022 സെപ്റ്റംബറിൽ ആയിരുന്നു ഷാജി പ്രഭാകരൻ എ ഐ എഫ് എഫ് സെക്രട്ടറി ആയി നിയമിക്കപ്പെട്ടത്. അതിനു മുമ്പ് ഡൽഹി ഫുട്ബോൾ അസോസിയേഷൻ പ്രസിഡന്റ് ആയിരുന്നു ഷാജി പ്രഭാകരൻ. എഐഎഫ്‌എഫിൽ വിഷൻ ഡയറക്ടറായി കരിയർ ആരംഭിച്ച പ്രഭാകരൻ മുമ്പ് ഫിഫയ്‌ക്കൊപ്പവും പ്രവർത്തിച്ചിട്ടുണ്ട്.
