സെവൻസ് സീസണിലെ ഡിസംബർ മാസത്തിലെ റാങ്കിംഗ് പുറത്ത് വന്നപ്പോൾ സബാൻ ഒന്നാമത് നിൽക്കുകയാണ്. സീസണിൽ ഡിസംബർ 31വരെ നടന്ന മത്സരങ്ങളുടെ അടിസ്ഥാനത്തിലാണ് റാങ്കിംഗ് തയ്യാറാക്കിയിരിക്കുന്നത്. സോക്കർ സിറ്റിയും ഫാൻപോർട്ടും കൂടി ഒരുക്കുന്ന റാങ്കിംഗിൽ 51 പോയന്റാണ് സബാൻ കോട്ടക്കലിന് ഉള്ളത്. 21 മത്സരങ്ങളിൽ നിന്നാണ് 51 പോയന്റ് സബാൻ സ്വന്തമാക്കിയത്. രണ്ടാം സ്ഥാനത്തുള്ള റോയൽ ട്രാവൽസ് കോഴിക്കോടിന് 28 പോയന്റ് മാത്രമെ ഉള്ളൂ.
മുൻ സന്തോഷ് ട്രോഫി താരം സുർജിത്ത് ആണ് റാങ്കിംഗ് പ്രകാശനം ചെയ്തത്. സീസണിൽ 21 മത്സരങ്ങൾ കളിച്ച സബാൻ കോട്ടക്കൽ 17 വിജയങ്ങൾ സ്വന്തമാക്കി . 28 പോയന്റുള്ള അൽ മിൻഹാൽ ഗോൾഡിഫറൻസിന്റെ വ്യത്യാസത്തിൽ മൂന്നാമ നിൽക്കുന്നു. ഫിഫാ മഞ്ചേരി നാലാം സ്ഥാനത്തും അൽ മദീന ചെർപ്പുളശ്ശേരി ഏഴാം സ്ഥാനത്തുമാണ് ഇപ്പോൾ ഉള്ളത്.
