സെവൻസിൽ ഇന്ന് രണ്ട് മത്സരങ്ങൾ നടക്കും. വയനാട് പിണങ്ങോട് അഖിലേന്ത്യാ സെവൻസിൽ ഗംഭീര പോരാട്ടമാണ് നടക്കുന്നത്. ഇന്ന് രാത്രി നടക്കുന്ന മത്സരത്തിൽ സെവൻസിലെ വമ്പന്മാരായ സൂപ്പർ സ്റ്റുഡിയോ മലപ്പുറവും അൽ മദീന ചെർപ്പുളശ്ശേരിയും നേർക്കുനേർ വരും. സീസണിൽ ഇതുവരെ നടന്നതിൽ വെച്ച് ഏറ്റവും വലിയ മത്സരമാണ് ഇത്. സീസണിലെ ആദ്യ മത്സരത്തിൽ പരാജയപ്പെട്ട അൽ മദീനയ്ക്ക് ഇന്ന് വിജയിച്ചെ മതിയാകു. നേരത്തെ സീസണിലെ ആദ്യ ജയം സ്വന്തമാക്കിയ സൂപ്പർ വിജയം തുടരാൻ ആകും ശ്രമിക്കുക. മത്സരം തത്സമയം goalstar.tv വഴി കാണാൻ സാധിക്കും.
ഇന്ന് രണ്ടാം മത്സരം നടക്കുന്നത് ഒതുക്കുങ്ങലിലാണ്. ഒതുക്കുങ്ങൾ അഖിലേന്ത്യാ സെവൻസിൽ ലിൻഷാ മണ്ണാർക്കാടും ശാസ്താ തൃശ്ശൂരും ആണ് ഏറ്റുമുട്ടുന്നത്. രാത്രി 7.30നാണ് രണ്ട് മത്സരങ്ങളും നടക്കുക.
