സെവൻസ് സീസണിലെ മാർച്ച് മാസത്തിലെ റാങ്കിംഗ് പുറത്ത് വന്നപ്പോഴും സബാൻ കോട്ടക്കൽ തന്നെ ഒന്നാമത് നിൽക്കുകയാണ്. സീസണിൽ മാർച്ച് 31വരെ നടന്ന മത്സരങ്ങളുടെ അടിസ്ഥാനത്തിലാണ് റാങ്കിംഗ് തയ്യാറാക്കിയിരിക്കുന്നത്. സോക്കർ സിറ്റിയും ഫാൻപോർട്ടും കൂടി ഒരുക്കുന്ന റാങ്കിംഗിൽ 169 പോയന്റാണ് സബാൻ കോട്ടക്കലിന് ഉള്ളത്. 78 മത്സരങ്ങളിൽ നിന്നാണ് 169 പോയന്റ് സബാൻ സ്വന്തമാക്കിയത്. ഏഴു കിരീടങ്ങളും സബാൻ ഇതുവരെ സ്വന്തമാക്കൊയിട്ടുണ്ട്. ഇതിൽ രണ്ട് കിരീടങ്ങൾ മാർച്ച് മാസത്തിലാണ് സബാം നേടിയത്. മികച്ച പ്രകടനം കാഴ്ചവെച്ച ഫിഫാ മഞ്ചേരി രണ്ടാം സ്ഥാനത്ത് തുടരുകയാണ്.
ഫിഫാ മഞ്ചേരി 158 പോയന്റുമായാണ് രണ്ടാം സ്ഥാനത്തേ് നിൽക്കുന്നത്. സബാൻ കോട്ടക്കലുമായി വെറും 11 0പോയന്റ് വ്യത്യാസമേ ഉള്ളൂ. സീസൺ അവസാനിക്കും മുമ്പ് ഒന്നാം സ്ഥാനം കരസ്ഥമാക്കുക ആകും ഫിഫയുടെ ലക്ഷ്യം. 111 പോയന്റുള്ള ലിൻഷാ മണ്ണാർക്കാട് മൂന്നാം സ്ഥാനത്ത് ഉണ്ട്. അൽ മദീന ചെർപ്പുളശ്ശേരി പതിനാലാം സ്ഥാനത്താണ് ഉള്ളത്. 
