ജവഹർ മാവൂർ അഖിലേന്ത്യാ സെവൻസിന് ഇന്നലെ ലഭിച്ചത് ആവേശ തുടക്കം. ഇന്നലെ നടന്ന ആദ്യ പോരാട്ടത്തിൽ തന്നെ അഞ്ചു ഗോളുകളാണ് പിറന്നത്. സീസണിൽ മികച്ച ഫോമിലുള്ള രണ്ട് ടീമുകളാണ് ഇന്നലെ മാവൂർ മൈതാനത്ത് ഏറ്റുമുട്ടിയത്. ലിൻഷാ മെഡിക്കൽസ് മണ്ണാർക്കാടും എ വൈ സി ഉച്ചാരക്കടവും. മത്സരത്തിൽ ലിൻഷാ മെഡിക്കൽസ് മണ്ണാർക്കാട് വിജയിച്ചു.
രണ്ടിനെതിരെ മൂന്നു ഗോളുകൾക്കായിരുന്നു ലിൻഷാ മെഡിക്കൽസ് മണ്ണാർക്കാടിന്റെ വിജയം. തുടക്കത്തിൽ തന്നെ ലീഡെടുത്ത ലിൻഷയ്ക്കെതിരെ മികച്ച രീതിയിൽ എ വൈ സി തിരിച്ചുവന്നു എങ്കിലും ജയം ലിൻഷയ്ക്കൊപ്പം നിൽക്കുകയായിരുന്നു.
ഇന്ന് നടക്കുന്ന പോരാട്ടത്തിൽ സോക്കർ സ്പോർടിങ് ഷൊർണ്ണൂർ, ടൗൺ ടീം അരീക്കോടിനെ നേരിടും.
കൂടുതൽ കായിക വാർത്തകൾക്ക് : www.facebook.com/FanportOfficial
