വിജയ ഗോളുമായി സക്കീർ മാനുപ്പ കൊയപ്പയിൽ ഹീറോ

Img 20230125 Wa0233

കൊയപ്പ സെവൻസ് ടൂർണമെന്റിന്റെ നാലാം ദിനം നടന്ന മത്സരത്തിൽ ടൗൺ ടീം അരീക്കോട് കെ.എഫ്.സി കാളികാവിനെ പരാജയപ്പെടുത്തി. ഒന്നിനെതിരെ രണ്ടു ഗോളുകൾക്കായിരുന്നു ടൗൺ ടീം അരീക്കോടിന്റെ വിജയം. ആദ്യ പകുതിയിൽ ഇരു ടീമുകളും ഗോൾ രഹിതമായി തുടർന്നു, ഇരു പ്രതിരോധവും ശക്തമായിരുന്നു.

കൊയപ്പ 23 01 25 23 01 31 488

രണ്ടാം പകുതിയിൽ 31-ാം മിനിറ്റിൽ കെഎഫ്‌സി കാളികാവ് ബാരി ക്വാദർ നേടിയ ഗോളിൽ ലീഡ് എടുത്തു. ഈ ഗോൾ ടൗൺ ടീം അരീക്കോടിനെ ഉണർത്തി, 37-ാം മിനിറ്റിൽ അസറുദ്ദീന്റെ അസിസ്റ്റിൽ എംബാപ്പെ നേടിയ ഗോളിൽ അവർ കെ എഫ് സിക്ക് മറുപടി നൽകി. മത്സരം 1-1ന് സമനിലയിലായതോടെ ഇരുടീമുകളും വിജയ ഗോളിനായി ശക്തമായി പോരാടി.

Img 20230125 Wa0235

43-ാം മിനിറ്റിൽ ഷിബിലിയുടെ അസിസ്റ്റിൽ മാനുപ്പ നേടിയ ഗോൾ വിജയഗോളായും മാറി. ജയത്തോടെ ടൗൺ ടീം അരീക്കോട് അടുത്ത റൗണ്ടിലേക്ക് മുന്നേറി, കെഎഫ്സി കാളികാവ് ടൂർണമെന്റിൽ നിന്ന് പുറത്തായി. നാളെ കൊയപ്പയിൽ ഫിഫ മഞ്ചേരി കെ ആർ എസ് കോഴിക്കോടിനെ നേരിടും.