മാഹി അഖിലേന്ത്യാ സെവൻസിൽ സൂപ്പർ സ്റ്റുഡിയോ മലപ്പുറം കിരീടം നേടി. ഇന്ന് നടന്ന ഫൈനലിൽ ഹണ്ടേഴ്സ് കൂത്തുപറമ്പിനെ തോൽപ്പിച്ചാണ് സൂപ്പർ സ്റ്റുഡിയോ മലപ്പുറം കിരീടം നേടിയത്. സൂപ്പർ സ്റ്റുഡിയോ മലപ്പുറത്തിന്റെ സീസണിലെ രണ്ടാം കിരീടമാണിത്. ഇന്ന് നിശ്ചിത സമയത്ത് 1-1 എന്നായിരുന്നു സ്കോർ. അവസാനം പെനാൾട്ടി ഷൂട്ടൗട്ടിലാണ് സൂപ്പർ സ്റ്റുഡിയോ ഹണ്ടേഴ്സ് കൂത്തുപറമ്പിനെ മറികടന്നത്.
സെമി ഫൈനലിൽ സൂപ്പർ സ്റ്റുഡിയോ മലപ്പുറം കഴിഞ്ഞ ദിവസം ടൗൺ സ്പോർട്സ് ക്ലബിനെ മറികടന്നിരുന്നു. നേരത്തെ ആദ്യ റൗണ്ടുകളിൽ സൂപ്പർ സ്റ്റുഡിയോ മെഡിഗാഡ് അരീക്കോടിനെയും എഫ് സി ഇരിക്കൂറിനെയും മാഹിയിൽ തോൽപ്പിച്ചിരുന്നു. ഈ സീസണിൽ എടത്തനാട്ടുകര അഖിലേന്ത്യാ സെവൻസിലും സൂപ്പർ സ്റ്റുഡിയോ കിരീടം നേടിയിരുന്നു.
