വാണിയമ്പലം അഖിലേന്ത്യാ സെവൻസിന് ലിൻഷാ മെഡിക്കൽ മണ്ണാർക്കാടിന്റെ വിജയത്തോടെ തുടക്കം. ഇന്ന് വാണിയമ്പലം സെവൻസിൽ നടന്ന ഉദ്ഘാടന മത്സരത്തിൽ സോക്കർ സ്പോർടിംഗ് ഷൊർണ്ണൂരിനെ ആണ് ലിൻഷാ മണ്ണാർക്കാട് വീഴ്ത്തിയത്. ആവേശകരമായ മത്സരത്തിൽ രണ്ടിനെതിരെ നാലു ഗോളുകൾക്കായിരുന്നു ലിൻഷയുടെ വിജയം. തുടർച്ചയായ രണ്ടാം മത്സരത്തിലാണ് ലിൻഷ നാലു ഗോളുകൾ അടിക്കുന്നത്.
നാളെ വാണിയമ്പലം സെവൻസിൽ നടക്കുന്ന മത്സരത്തിൽ റോയൽ ട്രാവൽസ് കോഴിക്കോട് ഫ്രണ്ട്സ് മമ്പാടിനെ നേരിടും.
