പെരിന്തൽമണ്ണ കാദറലി അഖിലേന്ത്യ സെവൻസിൽ ഫിഫ മഞ്ചേരിക്ക് പരാജയം. ഇന്ന് കെഎംജിമാവൂരിനെ നേരിട്ട ഫിഫ മഞ്ചേരി എതിരില്ലാത്ത മൂന്ന് ഗോളുകളുടെ പരാജയമാണ് ഏറ്റുവാങ്ങിയത്. ഫിഫാ മഞ്ചേരി ഈ സീസണലെ വളരെ മോശം ഫോം തുടരുന്നത് ആണ് ഇന്ന് പെരിന്തൽമണ്ണയിലും കണ്ടത്. ഈ സീസണിൽ മഞ്ചേരി ഇതുവരെ കളിച്ച 17 മത്സരങ്ങളിൽ അവരുടെ പതിനൊന്നാമത്തെ പരാജയമാണിത്.
ആകെ അഞ്ച് മത്സരങ്ങളാണ് ഫിഫാ മഞ്ചേരിക്ക് ഈ സീസണിൽ വിജയിക്കാൻ ആയത്. കെഎംജി മാവൂരാകട്ടെ ഈ സീസണിലെ അവരുടെ മികച്ച ഫോം തുടരുന്നതാണ് പെരിന്തൽമണ്ണയിൽ കണ്ടത്. ഇനി നാളെയും മറ്റന്നാളും പെരിന്തൽമണ്ണ ഗ്രൗണ്ടിൽ മത്സരമില്ല. നാലാം തീയതി ആദ്യ ക്വാർട്ടർ പോരാട്ടം നടക്കും. അന്ന് അഭിലാഷ് എഫ്സി കുപ്പൂത്ത് ഇസ ഗ്രൂപ്പ് ബേസ് പെരുമ്പാവൂരിനെ നേരിടും.
