വളപട്ടണം സെവൻസ് ടൂർണമെന്റിൽ ഇന്ന് ഫിഫാ മഞ്ചേരി നാണംകെട്ടു എന്ന് പറയാം. സെവൻസിലെ വമ്പന്മാരായ ഫിഫ മഞ്ചേരി എഫ്സി തൃക്കരിപ്പൂരിൽ നിന്ന് 6-2 എന്ന വലിയ പരാജയം തന്നെ നേരിട്ടു. ഈ സീസണിലെ ഫിഫാ മഞ്ചേരിയുടെ ഏറ്റവും വലിയ പരാജയം ആണിത്. എഫ്സി തൃക്കരിപ്പൂരിന് ഈ സീസണിലെ ഏറ്റവും വലിയ വിജയവും.
ഈ മത്സരത്തിന് മുമ്പ്, ഫിഫ മഞ്ചേരി സീസണിലെ ഒരു മത്സരത്തിലും മൂന്ന് ഗോളിൽ കൂടുതൽ വഴങ്ങിയിട്ടുണ്ടായിരുന്നില്ല. ഈ ഫലം ആരാധകരെയും കാണികളെയും ഒരുപോലെ ഞെട്ടിച്ചു എന്ന് പറയാം.. ഈ സീസണിലെ ഫിഫ മഞ്ചേരിയുടെ 23-ാം തോൽവിയാണിത്. ഈ വർഷം ഏറ്റവും കൂടുതൽ തോൽവികൾ ഏറ്റുവാങ്ങിയ ടീമും ഫിഫ മഞ്ചേരി ആണ് എന്നത് ഫിഫയുടെ ഈ സീസണിലെ മോശം ഫോം വ്യക്തമാക്കുന്നു.
നാളെ വളപട്ടണം സെവൻസിൽ എഫ് സി തൃക്കരിപ്പൂർ എഫ് സി കൊണ്ടോട്ടിയെ നേരിടും.
