ചെർപ്പുളശ്ശേരി അഖിലേന്ത്യാ സെവൻസിൽ അൽ മദീന ചെർപ്പുളശ്ശേരിക്ക് വൻവിജയം. ഇന്ന് സ്വന്തം ആരാധകർക്ക് മുന്നിൽ കെ ആർ എസ് കോഴിക്കോടിനെ നേരിട്ട അൽമദീന ചെറുപ്പുളശ്ശേരി എതിരില്ലാത്ത നാലു ഗോളുകൾക്കാണ് വിജയിച്ചത്. മദീനയുടെ ഈ സീസണിൽ ഇതുവരെയുള്ള ഏറ്റവും മികച്ച വിജയം ആണിത്. അൽ മദീനക്കായി ബെക്കി ഇരട്ട ഗോളുകൾ നേടി.
പെട്രോയും അൽഫാ ജൂനിയറും ആണ് മറ്റു സ്കോറർമാർ. അൽമദീന ചെർപ്പുളശ്ശേരി സെവൻസിൽ നേരത്തെ ആദ്യ റൗണ്ടിൽ ബി എഫ് സി പാണ്ടിക്കാടിനെയും തോൽപ്പിച്ചിരുന്നു. ചെർപ്പുളശ്ശേരിയിൽ നാളെ നടക്കുന്ന മത്സരത്തിൽ സബാൻ കോട്ടക്കൽ സോക്കർ ഷൊർണൂറിനെ നേരിടും.
