ടാമി അബ്രഹാമിന് കാൽ മുട്ടിൽ ശസ്ത്രക്രിയ. റോമയുടെ സീസണിലെ അവസാന മത്സരത്തിനിടയിൽ പരിക്കേറ്റ ടാമി അബ്രഹാമിന്റെ ശസ്ത്രക്രിയ വിജയകരമായിരുന്നു എന്ന് ക്ലബ് അറിയിച്ചു. താരം ഇനി തിരിച്ചുവരാനുള്ള പരിശ്രമത്തിൽ ആയിരിക്കും. ദീർഘകാലം പുറത്ത് ഇരിക്കും എന്നാണ് റിപ്പോർട്ടുകൾ. എ സി എൽ ഇഞ്ച്വറി ആണ് ഏറ്റിരിക്കുന്നത്. നവംബർ വരെ എങ്കിലും പുറത്തിരിക്കും.
ഈ സമ്മർ ട്രാൻസ്ഫറിൽ ക്ലബ് വിടാം ആഗ്രഹിച്ചിരുന്ന ടാമി അബ്രഹാമിന് ഈ പരിക്ക് വലിയ തിരിച്ചടിയാകും. ടാമിക്കു വേണ്ടി ഇംഗ്ലീഷ് പ്രീമിയർ ലീഗിലെ ക്ലബുകൾ വരെ രംഗത്ത് ഉണ്ടായിരുന്നു. 25കാരനായ താരം അവസാന രണ്ടു വർഷമായി റോമയ്ക്ക് ഒപ്പം ഉണ്ട്.
