ഇറ്റലിയിലെ ലീഗ് കിരീട പോരാട്ടത്തിൽ ഇന്റർ മിലാൻ കരുത്തോടെ തന്ന് മുന്നോട്ട് പോവുകയാണ്. ഇന്ന് അവർ ലീഗിലെ തുടർച്ചയായ ഒമ്പതം വിജയമാണ് നേടിയത്. ഇന്ന് ടൊറീനോയെ ആണ് ഇന്റർ മിലാൻ തോൽപ്പിച്ചത്. ടൂറിനിൽ നടന്ന മത്സരത്തിൽ ഒന്നിനെതിരെ രണ്ടു ഗോളുകൾക്കായിരുന്നു ഇന്റർ മിലാന്റെ വിജയം.
മത്സരത്തിന്റെ രണ്ടാം പകുതിയിൽ 62ആം മിനുട്ടിൽ ആയിരുന്നു ആദ്യ ഗോൾ പിറന്നത്. ഒരു പെനാൾട്ടിയിൽ നിന്നു ലുകാകു നേടിയ ഗോൾ ഇന്ററിനെ മുന്നിൽ എത്തിച്ചു. ഈ ഗോളിന് 8 മിനുട്ട് കൊണ്ട് മറുപടി നൽകാൻ ടൊറീനോയ്ക്ക് ആയി. സനാബ്രിയ ആയിരുന്നു ടൊറീനോക്ക് വേണ്ടി ഗോൾ നേടിയത്. കളി അവസാനിക്കാൻ അഞ്ചു മിനുട്ട് മാത്രം ബാക്കിയിരിക്കെ സാഞ്ചസിന്റെ പാസിൽ നിന്ന് ലൗട്ടാരോ മാർട്ടിനെസ് ഇന്ററിന്റെ വിജയ ഗോൾ നേടി.
വിജയത്തോടെ ഇന്റർ മിലാന് 27 മത്സരങ്ങളിൽ നിന്ന് 65 പോയിന്റായി. 56 പോയിന്റുമായി നിൽക്കുന്ന എ സി മിലാനാണ് ഇന്ററിന് പിറകിൽ ഉള്ളത്.
