മിലാൻ ഫുൾ-ബാക്ക് ലോറൻസോ ഫ്ലോറൻസിക്ക് ഇന്ന് ഇടത് കാൽമുട്ടിൽ ശസ്ത്രക്രിയ നടത്തി. താരം ഒരു മാസത്തേക്ക് പുറത്തിരിക്കും എന്ന് ക്ലബ് അറിയിച്ചു. ഇറ്റാലിയൻ തലസ്ഥാനത്തെ വില്ല സ്റ്റുവർട്ട് ക്ലിനിക്കിൽ ആണ് താരം ശസ്ത്രക്രിയയ്ക്ക് വിധേയനായത്. മുൻ റോമ ക്യാപ്റ്റൻ ഈ കഴിഞ്ഞ വേനൽക്കാലത്ത് ആയിരുന്മു മിലാനിൽ ചേർന്നത്. അതിനു മുമ്പ് താരം പി എസ് ജിക്ക് ഒപ്പം ഒരു സീസൺ ലോണിൽ കളിച്ചിരുന്നു. റോമ അക്കാദമിയിലൂടെ വളർന്നു വന്ന താരം 2019-20 ന്റെ സീസണിൽ വലെൻസിയയിലും ലോൺ കരാറിൽ കളിച്ചു.
മിലാനിൽ ചേർന്നതിനുശേഷം ഫ്ലോറൻസി ഏഴ് തവണ കളിച്ചിട്ടുണ്ട്. അറ്റലാന്റ, വെറോണ, ബൊലോന, ടോറിനോ, റോമ എന്നിവർക്കെതിരായ സീരി എ ഗെയിമുകളും ചാമ്പ്യൻസ് ലീഗിലെ എഫ്‌സി പോർട്ടോയ്‌ക്കെതിരായ രണ്ട് മത്സരങ്ങളും അദ്ദേഹത്തിന് നഷ്ടമാകും. സ്പെയിനിനെതിരായ ഇറ്റലിയുടെ യുവേഫ നേഷൻസ് ലീഗ് മത്സരത്തിലും ഫ്ലൊറൻസി ഉണ്ടാകില്ല.
