സീരി എയിൽ ഇന്റർ മിലാന് വൻ വിജയം. ഇന്നലെ നടന്ന മത്സരത്തിൽ ബ്രെഷയെ നേരിട്ട ഇന്റർ മിലാൻ എതിരില്ലാത്ത ആറു ഗോളുകൾക്കാണ് വിജയിച്ചത്. ചിലിയൻ താരം സാഞ്ചസിന്റെ ഫോമിലേക്കുള്ള തിരിച്ചുവരവാണ് മിലാനിൽ കാണാൻ ആയത്. രണ്ട് അസിസ്റ്റും ഒരു ഗോളും നേടാൻ സാഞ്ചസിന് ഇന്നലെ ആയി. മത്സരത്തിൽ അഞ്ചാം മിനുട്ടിൽ തന്നെ ഇന്റർ മുന്നിൽ എത്തിയിരുന്നു.
അഞ്ചാം മിനുട്ടിൽ ആഷ്ലി യങ്ങാണ് ഇന്ററിന് ലീഡ് നോക്കിയത്. സാഞ്ചെസ് ആയിരുന്നു ആ ഗോൾ ഒരുക്കിയത്. 20ആം മിനുട്ടിൽ പെനാൾട്ടിയിലൂടെ സാഞ്ചസ് രണ്ടാം ഗോൾ നേടി. 45ആം മിനുട്ടിൽ ആംബ്രോസിയോയുടെ വക ആയിരുന്നു മൂന്നാം ഗോൾ. ഗാലിയർദിനി,എറിക്സൺ, കാൻഡ്രേവ എന്നിവർ രണ്ടാം പകുതിയിൽ ഇന്ററിനായി ഗോൾ നേടി. ഈ വിജയത്തോടെ ഇന്റർ മിലാന് 29 മത്സരങ്ങളിൽ നിന്ന് 64 പോയന്റായി. ഇപ്പോഴും ഇന്റർ മൂന്നാം സ്ഥാനത്താണ് ഉള്ളത്.
