നാടകീയമായ സീരി എ പോരാട്ടത്തിൽ ഫിയോറൻ്റീന 2-1ന് എസി മിലാനെ പരാജയപ്പെടുത്തി. ഡേവിഡ് ഡി ഹിയ രണ്ട് പെനാൽറ്റികൾ രക്ഷപ്പെടുത്തി ഫിയൊറെന്റിനയുടെ ഹീറോ ആയി. യസീൻ അഡ്ലി തൻ്റെ മാതൃ ക്ലബ്ബിനെതിരെ സ്കോർ ചെയ്ത് ഫിയോറൻ്റീനയ്ക്കായി സ്കോറിംഗ് തുറന്നു. അതിനു മുമ്പ് മോയ്സ് കീൻ ഫിയൊറെന്റിനാക്കായി പെനാൽറ്റി നഷ്ടപ്പെടുത്തി.
45ആം മിനുട്ടിൽ മിലാനും ഒരു പെനാൾട്ടി കിക്ക് ലഭിച്ചു, പക്ഷേ തിയോ ഹെർണാണ്ടസിന്റെ ശ്രമം ഡി ഹിയ രക്ഷപ്പെടുത്തി. പിന്നാലെ ടാമി അബ്രഹാമിന്റെ പെനാൾട്ടിയുൻ ഡി ഹിയ തടഞ്ഞു. 60ആം മിനുട്ടിൽ പുലിസിച്ച് ഒരു തകർപ്പൻ വോളിയിലൂടെ സമനില പിടിച്ചു. എന്നാൽ 73ആം മിനുട്ടിൽ ആൽബർട്ട് ഗുഡ്മുണ്ട്സൻ്റെ ഗോളിൽ ഫിയോറൻ്റീന ലീഡ് തിരിച്ചുപിടിച്ചു.
ഫിയൊറെന്റിന 10 പോയിന്റുമായി 11ആം സ്ഥാനത്ത് നിൽക്കുകയാണ്. 11 പോയിന്റുമായി മിലാൻ ആറാം സ്ഥാനത്താണ്.
