കോഴിക്കോട് ഇഎംഎസ് കോർപറേഷൻ സ്റ്റേഡിയത്തിൽ വെച്ച് നടക്കുന്ന എഴുപത്തിയാറാമത് സന്തോഷ് ട്രോഫിയിൽ ഗ്രൂപ്പ് രണ്ടിലെ മൂന്നാം മത്സരത്തിൽ ആന്ധ്രക്കെതിരെ മിസോറം എതിരില്ലാത്ത മൂന്ന് ഗോളുകളുടെ വിജയം നേടി. സബ്ബായി എത്തിയ ജോസെഫ നേടിയ ഇരട്ട ഗോളുകൾ മിസോറാനിന് കരുത്തായി. 82, 90 മിനുട്ടുകളിൽ ആയിരുന്നു ജോസേഫയുടെ ഗോളുകൾ. മാൽസംഫേലയും മിസോറത്തിനായി ഗോൾ നേടി.
ഗ്രൂപ്പിൽ കേരളം തന്നെയാണ് ഒന്നാമത്. കോഴിക്കോട്ടെ അടുത്ത കളിയിൽ ഡിസംബർ 29ന് രാവിലെ 8 മണിക്ക് ജമ്മു കാശ്മീർ മിസോറാമിനെ നേരിടും. ശേഷം വൈകീട്ട് 3.30 മണിക്ക് കേരളം ബിഹാറിനെ നേരിടും.
