സന്തോഷ് ട്രോഫി; സർവീസസിന് ജയം

സന്തോഷ് ട്രോഫി ഫൈനൽ റൗണ്ടിൽ സർവീസസിന് വിജയം. ഇന്നലെ വൈകിട്ട് നടന്ന ഗ്രൂപ്പ് എ പോരാട്ടത്തിൽ ഒഡീഷയെ ആണ് സർവീസസ് പരാജയപ്പെടുത്തിയത്. ഏകപക്ഷീയമായ മത്സരത്തിൽ എതിരില്ലാത്ത രണ്ടു ഗോളുകൾക്കായിരുന്നു സർവീസസിന്റെ വിജയം. രണ്ടാം പകുതിയിൽ ആണ് രണ്ടു ഗോളുകളും പിറന്നത്. 72ആം മിനുട്ടിൽ പെനാൾട്ടിയിലൂടെ സുരേഷ് മീതെയും 87ആം മിനുട്ടിൽ ഹരികൃഷ്ണയുമാണ് സർവീസസിനായി ഗോളുകൾ നേടിയത്