സന്തോഷ് ട്രോഫി: രാജസ്ഥാന് എതിരായ കേരളത്തിന്റെ ലൈനപ്പ് പ്രഖ്യാപിച്ചു

സന്തോഷ് ട്രോഫിയിലെ ആദ്യ മത്സരത്തിന് ഇറങ്ങുന്ന കേരളം രാജസ്ഥാന് എതിരായ ലൈനപ്പ് പ്രഖ്യാപിച്ചു. മഞ്ചേരി പയ്യനാട് സ്റ്റേഡിയത്തിൽ ഇറങ്ങുന്ന മത്സരത്തിൽ ജിജോ ജോസഫ് ആണ് കേരളത്തെ നയിക്കുന്നത്. സന്തോഷ് ട്രോഫിയിൽ ഏറെ പരിചയ സമ്പത്തുള്ള മിഥുൻ വല കാക്കുന്നു. ഷഹീഫ്, അജയ് അലക്സ്, സഞ്ജു, സോയൽ എന്നിവരാണ് ഡിഫൻസിൽ. മധ്യനിരയിൽ ജിജോക്ക് ഒപ്പം ഐലീഗിന്റെ പരിചയ സമ്പത്തുള്ള അർജുൻ ജയരാജും റാഷിദും ഇറങ്ങുന്നു. ഒപ്പം നിജോ ഗിൽബേർടും ഉണ്ട്. അറ്റാക്കിൽ സഫ്നാദും വിഗ്നേഷും ആണുള്ളത്. കെ പി എല്ലിൽ ഗോളടിച്ചു കൂട്ടിയ താരമാണ് വിഗ്നേഷ്.

Lineup: Mithun, Muhammed Saheef, Sanju, Ajay Alex, Soyal Joshy, Jijo, Rashid, Arjun Jayarj, Nijo Gilbert, Safnad, Viknesh