സന്തോഷ് ട്രോഫി ഫൈനൽ റൗണ്ടിൽ കേരളം ക്വാർട്ടർ ഫൈനൽ ഉറപ്പിച്ചു. ഇന്ന് നടന്ന ഗ്രൂപ്പിലെ മൂന്നാം മത്സരത്തിൽ കേരളം ഒഡീഷയെ പരാജയപ്പെടുത്തി. മറുപടിയില്ലാത്ത രണ്ടു ഗോളുകൾക്ക് ആയിരുന്നു കേരളത്തിന്റെ വിജയം.
മത്സരത്തിന്റെ 42ആം മിനുട്ടിൽ അജ്സലിലൂടെ ആയിരുന്നു കേരളം ലീഡ് എടുത്തത്. അജസൽ ഗ്രൂപ്പിലെ ആദ്യ 2 മത്സരങ്ങളിലും കേരളത്തിനായി ഗോൾ നേടിയിരുന്നു. ആദ്യ പകുതി കേരളം 1-0ന് അവസാനിപ്പിച്ചു.
രണ്ടാം പകുതിയുടെ തുടക്കത്തിൽ 53ആം മിനുട്ടിൽ നസീബിലൂടെ കേരളം ലീഡ് ഇരട്ടിയാക്കി. ഒഡീഷയ്ക്ക് ഒരു ഗോൾ പോലും തിരിച്ചടിക്കാൻ ആയില്ല. നേരത്തെ കേരളം ആദ്യ മത്സരത്തിൽ ഗോവയെയും രണ്ടാം മത്സരത്തിൽ മേഘാലയയെയും തോൽപ്പിച്ചിരുന്നു. ഇനി 22ആം തീയതി കേരളം ഡെൽഹിയെ നേരിടും.
