മണിപ്പൂർ സന്തോഷ് ട്രോഫി സെമി ഫൈനലിൽ. ഇന്ന് ഗോൾഡൻ ജൂബിലി സ്റ്റേഡിയത്തിൽ നടന്ന സന്തോഷ് ട്രോഫിയുടെ മൂന്നാം ക്വാർട്ടർ ഫൈനലിൽ മുൻ ചാമ്പ്യന്മാരായ മണിപ്പൂർ അസമിനെതിരെ 7-1ന്റെ ഉജ്ജ്വല വിജയം നേടി.
ഇന്ന് കളി ആരംഭിച്ച് 20 മിനിറ്റിനുള്ളിൽ തന്നെ മണിപ്പൂർ 4-0 ലീഡിലേക്ക് ഉയർന്നിരുന്നു. വാങ്‌ഖെയ്‌മയും സദാനന്ദ സിംഗ് മണിപ്പൂരിനായി ഹാട്രിക് നേടി. 11′,16′, 70′ മിനുട്ടുകളിൽ ആയിരുന്നു ഹാട്രിക്ക് ഗോളുകൾ വന്നത്.
ക്യാപ്റ്റൻ ഫിജാം സനതോയ് മീതേയ് (4′), നഗാങ്‌ബാം പച്ച സിംഗ് (19′,), മൈബാം ഡെനി സിംഗ് (82′), ഇമർസൺ മെയ്‌തേയ് ( 88′) ആയിരുന്നു മണിപ്പൂരിന്റെ മറ്റ് സ്കോറർമാർ. 64-ാം മിനിറ്റിൽ ജോയ്ദീപ് ഗൊഗോയ് അസമിന്റെ ഏക ഗോൾ നേടി. ഗോവയെ ആകും മണിപ്പൂർ സെമി ഫൈനലിൽ നേരിടുക.
