ഏഷ്യൻ ചാമ്പ്യൻസ് ലീഗ് പ്രീ ക്വാർട്ടർ രണ്ടാം പാദത്തിലും വിജയിച്ച് റൊണാൾഡോയും അൽ നസറും ക്വാർട്ടറിലേക്ക് മുന്നേറി. ഇന്നും ഗോളുമായി റൊണാൾഡോ തിളങ്ങി. ഇന്ന് നടന്ന ഹോം മത്സരത്തിൽ അൽ ഫെയ്ഹയെ 2-0ന് ആണ് അൽ നസർ പരാജയപ്പെടുത്തിയത്. രണ്ട് പാദങ്ങളിലായി 3-0ന്റെ അഗ്രിഗേറ്റ് ജയം അൽ നസർ നേടി.
ആദ്യ പകുതിയിൽ 17ആം മിനുട്ടിൽ അൽ ഖൈബാരിയുടെ അസിസ്റ്റിൽ നിന്ന് ഒറ്റാവിയോ അൽ നസറിന്റെ ആദ്യ ഗോൾ കണ്ടെത്തി. ഈ ഗോൾ മത്സരം ആദ്യ പകുതിക്ക് പിരിയും വരെ 1-0 എന്ന് നിർത്തി. രണ്ടാം പകുതിയിൽ 86ആം മിനുട്ടിലാണ് ക്രിസ്റ്റ്യാനോ റൊണാൾഡോയുടെ ഗോൾ വന്നത്. ആദ്യ പാദത്തിലും റൊണാൾഡോ ഗോൾ നേടിയിരുന്നു.
