പരിശീലക വേഷത്തിൽ തന്റെ ആദ്യ കിരീടം സ്വന്തമാക്കി റയൽ മാഡ്രിഡ് ഇതിഹാസം റൗൾ. റയൽ മാഡ്രിഡിന്റെ കേഡറ്റ് ബി ടീമിനെ പരിശീലിപ്പിച്ചാണ് റൗൾ ആദ്യ കിരീടം സ്വന്തമാക്കിയത്. സാന്റ ഗബ്രിയേൽ കപ്പിൽ ബാഴ്സലോണയെ തോൽപിച്ചാണ് റയൽ മാഡ്രിഡ് കിരീടം സ്വന്തമാക്കിയത്.
ഏകപക്ഷീയമായ രണ്ടു ഗോളുകൾക്കായിരുന്നു റയൽ മാഡ്രിഡിന്റെ ജയം. റയൽ മാഡ്രിഡിന് വേണ്ടി അബ്രഹാമും യേറി ലഞ്ചസുമാണ് ഗോളുകൾ നേടിയത്. ഈ സീസണിന്റെ തുടക്കത്തിലാണ് റൗൾ റയൽ മാഡ്രിഡ് യൂത്ത് ടീമിന്റെ പരിശീലകനായത്.
