കേരള ബ്ലാസ്റ്റേഴ്സിനൊപ്പം അവസാന വർഷങ്ങളിൽ ഉണ്ടായിരുന്ന യുവ പ്രതിരോധ നിര താരം പ്രിതം കുമാറിനെ ഈസ്റ്റ് ബംഗാൾ സ്വന്തമാക്കി. രണ്ടു വർഷത്തെ കരാർ താരം ഈസ്റ്റ് ബംഗാളുമായി ഒപ്പുവെച്ചു. 2017 മുതൽ കേരള ബ്ലാസ്റ്റേഴ്സിനൊപ്പം ഉണ്ടായിരുന്നു എങ്കിലും വളരെ കുറച്ച് മത്സരങ്ങളിൽ മാത്രമെ കേരള ബ്ലാസ്റ്റേഴ്സ് സീനുയർ സ്ക്വാഡിൽ താരം ഉണ്ടായിരുന്നുള്ളൂ.
കേരള ബ്ലാസ്റ്റേഴ്സിന്റെ റിസേർവ്സ് ടീമിലായിരുന്നു അവസാന സീസണുകളിൽ താരം കളിച്ചത്. ഫുൾബാക്കായ താരം തന്റെ കരിയർ ഈ നീക്കത്തിലൂടെ വീണ്ടുൻ നേർ വഴിയിലാകും എന്ന് പ്രതീക്ഷിക്കുന്നു. ബ്ലാസ്റ്റേഴ്സിൽ എത്തും മുമ്പ് ഷില്ലോങ് ലജോങിന് വേണ്ടി കളിച്ചിരുന്ന താരമാണ് പ്രിതം കുമാർ.
