തകർപ്പൻ ഫോമിൽ സീസൺ ആരംഭിച്ച ടോട്ടനത്തിന്റെ കഷ്ടകാലം തുടരുന്നു. തുടർച്ചയായ അഞ്ചാം മത്സരത്തിലും വിജയം കാണാതെ പോയപ്പോൾ വെസ്റ്റ്ഹാക്കിനെതിരെ തോൽവി വഴങ്ങുകയായിരുന്നു പോസ്റ്റകോഗ്ലുവിന്റെ ടീം. സ്വന്തം തട്ടകത്തിൽ ഒന്നിനെതിരെ രണ്ടു ഗോളിന്റെ വിജയമാണ് വെസ്റ്റ്ഹാം നേടിയത്. ബോവൻ, വാഡ്-പ്രൗസ് എന്നിവർ ജേതാക്കൾക്ക് വേണ്ടി വല കുലുക്കി. ക്രിസ്റ്റ്യൻ റൊമേറോ ടോട്ടനത്തിന്റെ ഗോൾ കണ്ടെത്തി. ഇതോടെ ടോട്ടനം അഞ്ചാമതും വെസ്റ്റ്ഹാം ഒൻപതാമതും തുടരുകയാണ് പോയിന്റ് പട്ടികയിൽ.
തുടക്കത്തിൽ തന്നെ കുലുസെവ്സ്കിയിലൂടെ ടോട്ടനം ഗോളിന് അടുത്തെത്തിയെങ്കിലും കീപ്പറുടെ കരങ്ങൾ വെസ്റ്റ്ഹാമിനെ കാത്തു. പതിനൊന്നാം മിനിറ്റിൽ കോർണറിൽ നിന്നും ഹെഡർ ഉതിർത്ത് റൊമേറോ ടോട്ടനത്തെ മുന്നിൽ എത്തിച്ചു. 52ആം മിനിറ്റിൽ ബോവനിലൂടെ വെസ്റ്റ്ഹാം സമനില ഗോൾ കണ്ടെത്തി. കുദുസിന്റെ ഷോട്ടിന് ടോട്ടനം പ്രതിരോധം തടയിട്ടപ്പോൾ ബോക്സിനുള്ളിൽ വീണ് കിട്ടിയ അവസരം താരം മുതലെടുക്കുകയായിരുന്നു. പിന്നീട് റിച്ചാർലിസന്റെ ഹെഡർ ശ്രമം പോസ്റ്റിനിരുമി കടന്ന് പോയി. 74ആം മിനിറ്റിൽ ഉഡോഗിയിടെ പിഴവിൽ നിന്നും വെസ്റ്റ്ഹാം വിജയ് ഗോളും നേടി. കീപ്പർക്ക് പന്ത് നൽകാനുള്ള താരത്തിന്റെ ശ്രമം ഗോളിൽ കലാശിക്കുകയായിരുന്നു. വാർഡ്-പ്രൗസ് ആണ് വല കുലുക്കിയത്.
Download the Fanport app now!
