മാഞ്ചസ്റ്റർ യുണൈറ്ററിന്റെ പരിശീലകൻ ആകാൻ തോമസ് ടൂക്കൽ തയ്യാറല്ല എന്ന് ക്ലബ്ബിനെ അറിയിച്ചു. മാഞ്ചസ്റ്റർ യുണൈറ്റഡുമായി അവസാന ദിവസങ്ങളിൽ ടൂക്കൽ ചർച്ചകൾ നടത്തിയിരുന്നു. എന്നാൽ താൻ ക്ലബ്ബിന്റെ ചുമതല ഏറ്റെടുക്കാൻ താല്പര്യപ്പെടുന്നില്ല എന്നും ഈ സീസണിൽ ഒരു ഇടവേളയാണ് താൻ ആഗ്രഹിക്കുന്നത് എന്നും ടൂക്കൽ മാഞ്ചസ്റ്റർ മാനേജ്മെൻറിനെ അറിയിച്ചു.
ബയേൺ മ്യൂണിക്ക് പരിശീലക സ്ഥാനം ഒഴിഞ്ഞ ടൂക്കൽ ഇനി ഈ സീസണിൽ ഒരു ക്ലബ്ബിനെയും പരിശീലിപ്പിക്കാൻ സാധ്യതയില്ല. മാഞ്ചസ്റ്റർ യുണൈറ്റഡിൽ ഇപ്പോഴും ടെൻഹാഗ് തന്നെയാണ് പരിശീലകൻ എങ്കിലും അദ്ദേഹം അടുത്ത സീസണിൽ തുടരുമോ എന്നത് ഇനിയും ഉറപ്പല്ല.
അണിയറയിൽ യുണൈറ്റഡ് പകരം ഒരു പരിശീലകനെ അന്വേഷിക്കുന്നുണ്ട് എന്നാണ് പുതിയ വാർത്തകൾ തെളിയിക്കുന്നത്. ടെൻ ഹാഗിന്റെ ഭാവിയുടെ കാര്യത്തിൽ ഒരു തീരുമാനം മാഞ്ചസ്റ്റർ അടുത്ത ദിവസങ്ങളിൽ തന്നെ പ്രഖ്യാപിക്കും എന്ന് ഇംഗ്ലീഷ് മാധ്യമങ്ങൾ റിപ്പോർട്ട് ചെയ്യുന്നു.
യുണൈറ്റഡ് ഈ കഴിഞ്ഞ സീസണിലെ പ്രകടനം വിലയിരുത്തിയശേഷം മാത്രമേ ടെൻഹാഗ് തുടരണമോ വേണ്ടയോ എന്ന കാര്യത്തിൽ തീരുമാനം എടുക്കു എന്ന് മാനേജ്മെൻറ് നേരത്തെ അറിയിച്ചിരുന്നു. സീസൺ അവസാനം എഫ് എ കപ്പ് കിരീടം നേടിയെങ്കിലും കഴിഞ്ഞ സീസണൽ മൊത്തത്തിൽ മാഞ്ചസ്റ്റർ യുണൈറ്റഡിന്റെ പ്രകടനം അത്ര നല്ലതായിരുന്നില്ല.
