മാഞ്ചസ്റ്റർ സിറ്റിയുടെ ഇംഗ്ലീഷ് താരം റഹീം സ്റ്റെർലിങ് ക്ലബ്ബ്മായി പുതിയ 5 വർഷത്തെ കരാർ ഒപ്പിട്ടു. പുതിയ കരാർ പ്രകാരം താരം 2023 വരെ ക്ലബ്ബിൽ തുടരും. മുൻപ് കരാർ ഒപ്പിടാൻ വിസമ്മതിച്ച താരത്തിനായി റയൽ മാഡ്രിഡ് വല വിരിക്കുന്നു എന്ന അഭ്യൂഹങ്ങൾക്ക് ഇടയിലാണ് താരം കരാർ ഒപ്പിട്ടത്.
He’s going nowhere! 😆@sterling7 has today committed himself to the Club until 2023! 🔵#mancity pic.twitter.com/vActYqKxUR
— Manchester City (@ManCity) November 9, 2018
23 വയസുകാരനായ താരത്തിന്റെ പഴയ കരാർ അടുത്ത സീസണിലെ അവസാനത്തോടെ തീരാൻ ഇരിക്കെയാണ് പുതിയ കരാറിൽ ഒപ്പിടുന്നത്. ഈ കരാർ പ്രകാരം പ്രീമിയർ ലീഗിൽ തന്നെ ഏറ്റവും കൂടുതൽ ശമ്പളം പറ്റുന്ന കളിക്കാരിൽ ഒരാളായി സ്റ്റെർലിങ് മാറും. 2015 ൽ 49 മില്യൺ പൗണ്ടോളം നൽകി ലിവർപൂളിൽ നിന്നാണ് സിറ്റി സ്റ്റർലിങ്ങിനെ ഇത്തിഹാദ് സ്റ്റേഡിയത്തിൽ എത്തിച്ചത്.
