ഗരേത് ബെയ്ൽ വീണ്ടും സ്പർസ് ജേഴ്സി അണിയും. താരത്തിന്റെ തിരിച്ചു വരവ് സ്പർസ് ഔദ്യോഗികമായി പ്രഖ്യാപിച്ചു. ഒരു സീസണിലേക്ക് ലോണിൽ ആണ് താരത്തെ സ്പർസ് ലണ്ടനിൽ തിരികെ എത്തിച്ചത്. ബെയ്ലിന്റെ ആഴ്ചയിൽ ഉള്ള 6 ലക്ഷം യൂറോ ശമ്പളത്തിൽ പകുതി റയൽ മാഡ്രിഡ് നൽകും എന്നാണ് റിപ്പോർട്ടുകൾ.
സിദാന്റെ കീഴിൽ അവസരം ഉണ്ടാകില്ല എന്ന ഉറപ്പിൽ ക്ലബ്ബ് വിടുകയാണ് നല്ലത് എന്ന തീരുമാനം ബെയ്ൽ എടുക്കുകയായിരുന്നു. 2013 ൽ റയലിൽ എത്തിയ താരം 2 തവണ ല ലീഗ കിരീടവും, 4 തവണ ചാമ്പ്യൻസ് ലീഗും റയലിന് ഒപ്പം നേടിയിട്ടുണ്ട്. മുൻപ് 2007 ലാണ് ബെയ്ൽ സ്പർസിൽ ചേർന്നത്. ക്ലബ്ബിനായി 203 മത്സരങ്ങൾ കളിച്ച ശേഷമാണ് 2013 ൽ ഭീമൻ തുകക്ക് റയലിൽ ചേർന്നത്.
