ഇംഗ്ലീഷ് പ്രീമിയർ ലീഗിൽ ടോട്ടനത്തിന് തുടർച്ചയായ രണ്ടാം വിജയം ഇന്ന് നോട്ടിങ്ഹാം ഫോറസ്റ്റിനെ എവേ ഗ്രൗണ്ടിൽ നേരിട്ട സ്പർസ് എതിരില്ലാത്ത രണ്ടു ഗോളുകളുടെ വിജയമാണ് നേടിയത്. ആദ്യ പകുതിയുടെ അവസാനം റീചാർലിസൺ ആണ് സ്പർസിന് ലീഡ് നൽകിയത്. കുളുസവേസ്കിയുടെ അസിസ്റ്റൽ നിന്നായിരുന്നു ആ ഗോൾ. രണ്ടാം പകുതിയുടെ തുടക്കത്തിൽ എലാംഗയിലൂടെ ഫോറസ്റ്റ് ഒരു ഗോൾ മടക്കിയെങ്കിലും ആ ഗോൾ നിഷേധിക്കപ്പെട്ടു.
പിന്നാലെ 65 മിനിറ്റിൽ കുളസവെസ്കി സ്പർസിന്റെ രണ്ടാം ഗോളും നേടി. എഴുപതാം മിനിറ്റിൽ ബിസോമ ചുവപ്പു കാർഡ് കണ്ട് പുറത്തായതോടെ സ്പർസ് 10 താരങ്ങളായി ചുരുങ്ങിയെങ്കിലും വിജയം ഉറപ്പിച്ചു. 17 മത്സരങ്ങളിൽ നിന്ന് 33 പോയിന്റുമായി അഞ്ചാം സ്ഥാനത്ത് നിൽക്കുകയാണ് സ്പർസ്. ഫോറസ്റ്റ് 14 പോയിന്റുമായി 16ആം സ്ഥാനത്തും നിൽക്കുന്നു
