മാഞ്ചസ്റ്റർ യുണൈറ്റഡ് മിഡ്ഫീൽഡർ സബിറ്റ്സർ ഇന്നലെ നോട്ടിങ്ഹാം ഫോറസ്റ്റിന് എതിരായ മത്സരത്തിൽ കളിച്ചിരുന്നില്ല. സ്റ്റാർടിംഗ് ഇലവനിൽ ഉണ്ടായിരുന്ന താരം പരിക്ക് കാരണം പിന്മാറുക ആയിരുന്നു. ഇതിനകം തന്നെ പരിക്ക് കാരണം കഷ്ടപ്പെടുന്ന മാഞ്ചസ്റ്റർ യുണൈറ്റഡിന് സബിറ്റ്സറിന്റെ പരിക്ക് വലിയ ആശങ്ക നൽകിയിരുന്നു. എന്നാൽ പരിക്ക് അത്ര സാരമുള്ളതല്ല എന്നാണ് വരുന്ന റിപ്പോർട്ടുകൾ.
സബിറ്റ്സറിനെ കരുതൽ നടപടിയായാണ് കളിപ്പിക്കാതിരുന്നത് എന്ന് ടെൻ ഹാഗ് പറഞ്ഞു. പരിക്ക് വലുതാകാതിക്കാൻ ആണ് ശ്രദ്ധിച്ചത് എന്നും അടുത്ത മത്സരത്തിൽ സബിറ്റ്സർ ഉണ്ടാകും എന്നാണ് പ്രതീക്ഷ എന്നും ടെൻ ഹാഗ് പറഞ്ഞു. സെവിയ്യക്ക് എതിരായ രണ്ടാം പാദത്തിൽ ബ്രൂണോ സസ്പെൻഷൻ കാരണം ഉണ്ടാവില്ല എന്നത് കൊണ്ട് തന്നെ സബിറ്റ്സറിന്റെ സാന്നിദ്ധ്യം മാഞ്ചസ്റ്റർ യുണൈറ്റഡിന് അത്യാവശ്യമാണ്.
ടോം ഹീറ്റൺ, ടൈറൽ മലേഷ്യ, റാഫേൽ വരാനെ, ലിസാൻഡ്രോ മാർട്ടിനെസ്, ലൂക്ക് ഷാ, സ്കോട്ട് മക്‌ടോമിബെ, ഡോണി വാൻ ഡി ബീക്ക്, മാർക്കസ് റാഷ്‌ഫോർഡ്, ഗാർനാച്ചോ തുടങ്ങി പരിക്കിന്റെ നീണ്ട നിര തന്നെ ഇപ്പോൾ യുണൈറ്റഡിൽ ഉണ്ട്.
