മാഞ്ചസ്റ്റർ യുണൈറ്റഡ് താരം മാർക്കസ് റാഷ്ഫോർഡിനെ സ്വന്തമാക്കാൻ പി എസ് ജി ശ്രമിക്കും എന്ന് പി എസ് ജി പ്രസിഡന്റ് അൽ ഖലീഫി. റാഷ്ഫോർഡ് ഒരു അത്ഭുത താരമാണ്. അദ്ദേഹത്തെ ഫ്രീ ഏജന്റായി സ്വന്തമാക്കാൻ ആവുക എന്നത് വലിയ കാര്യമാണ്‌. എല്ലാ ക്ലബുകളും അദ്ദേഹത്തിന്റെ പിറകെ ആയിരിക്കും. ഞങ്ങളും മാറി നിൽക്കില്ല. പി എസ് ജി പ്രസിഡന്റ് പറഞ്ഞു.
മുമ്പ് തന്നെ ഞങ്ങൾ റാഷ്ഫോർഡിനെ കുറിച്ച് സംസാരിച്ചിട്ടുണ്ട് എന്ന് അദ്ദേഹം പറഞ്ഞു. ഈ സമ്മറിൽ ശ്രമിക്കാം എന്നും അദ്ദേഹം ഫ്രീ ഏജന്റായാൽ അദ്ദേഹത്തോട് നേരിട്ട് സംസാരിക്കാൻ ഞങ്ങൾക്ക് ആകും എന്നും അദ്ദേഹം പറഞ്ഞു. മാഞ്ചസ്റ്റർ യുണൈറ്റഡിൽ കരാർ അവസാനിക്കാൻ പോകുന്ന റാഷ്ഫോർഡിന്റെ കരാർ പുതുക്കാനുള്ള ശ്രമങ്ങൾ മാഞ്ചസ്റ്റർ യുണൈറ്റഡും നടത്തുന്നുണ്ട്.
യുണൈറ്റഡിന്റെ അക്കാദമിയിലൂടെ വളർന്നു വന്ന താരം ഈ സീസണിൽ ടെൻ ഹാഗിനു കീഴിൽ മികച്ച പ്രകടനം ആണ് കാഴ്ചവെക്കുന്നത്‌. ലോകകപ്പിൽ ഇംഗ്ലണ്ടിനായി ഇതിനകം മൂന്ന് ഗോളുകളും റാഷ്ഫോർഡ് നേടിയിട്ടുണ്ട്.
