പ്രീമിയർ ലീഗിലെ ഈ സീസണിലെ മികച്ച യുവതാരതത്തിനുള്ള പുരസ്കാരം ആർക്കെന്ന് ഉടൻ അറിയാം. ഇതിനായുള്ള അവസാന 8 പേരുടെ ചുരുക്ക പട്ടിക വന്നു. എട്ടു പേരിൽ മൂന്ന് മാഞ്ചസ്റ്റർ യുണൈറ്റഡ് താരങ്ങൾ ഉൾപ്പെട്ടിട്ടുണ്ട്‌. മാഞ്ചസ്റ്റർ യുണൈറ്റഡ് അറ്റാക്കിംഗ് ത്രയമായ ആന്റണി മാർഷ്യൽ, മാർക്കസ് റാഷ്ഫോർഡ്, ടീനേജ് താരം മേസൺ ഗ്രീൻവുഡ് എന്നിവരാണ് ഷോർട്ട് ലിസ്റ്റിൽ ഉള്ളത്.
പ്രീമിയർ ലീഗിൽ ഈ സീസണിൽ 17 ഗോളുകൾ വീതം നേടാൻ മാർഷ്യലിനും റാഷ്ഫോർഡിനും ആയിരുന്നു. ഗ്രീൻവുഡ് 10 ഗോളുകളും നേടിയിരുന്നു. മാഞ്ചസ്റ്റർ യുണൈറ്റഡിൽ നിന്ന് ലോണടിസ്ഥാനത്തിൽ ഷെഫീൽഡിനായി കളിച്ച ഗോൾ കീപ്പർ ഡീൻ ഹെൻഡേഴസണും ചുരുക്ക പട്ടികയിൽ ഉണ്ട്. ചെൽസിയുടെ താരങ്ങളായ പുലിസിച്, മേസൺ മൗണ്ട് എന്നിവരും ലിസ്റ്റിൽ ഉണ്ട്. ചെൽസിയുടെ ചാമ്പ്യൻസ് ലീഗ് യോഗ്യതയിൽ പ്രധാന പങ്കുവഹിച്ച താരങ്ങളാണ് മൗണ്ടും പുലിസിചും.
ആസ്റ്റൺ വില്ല താരം ജാക്ക് ഗ്രീലിഷ്, പ്രീമിയർ ലീഗ് ചാമ്പ്യന്മാരായ ലിവർപൂളിന്റെ താരം അലക്സാണ്ടർ അർനോൾഡ് എന്നിവരും ലിസ്റ്റിൽ ഉണ്ട്. അലക്സാണ്ടർ അർനോളഡിനാണ് മികച്ച യുവതാരത്തിനായുള്ള പുരസ്കാരത്തിന് കൂടുതൽ സാധ്യത കൽപ്പിക്കപ്പെടുന്നത്.
