പോൾ പോഗ്ബ ഈ സീസണിൽ ക്ലബ് വിടില്ല എന്ന് ആവർത്തിച്ച് മാഞ്ചസ്റ്റർ യുണൈറ്റഡ് പരിശീലകൻ ഒലെ. പോൾ പോഗ്ബയെ പ്രതിസന്ധിയിലാക്കുന്നത് മാധ്യമങ്ങൾ ആണെന്ന് ഒലെ പറഞ്ഞു. എപ്പോൾ മാധ്യമങ്ങൾ ചോദിച്ചാലും മാഞ്ചസ്റ്റർ യുണൈറ്റഡിൽ കളിക്കുന്നതിൽ സന്തോഷം മാത്രമേ ഉള്ളൂ എന്നാണ് പോഗ്ബ പറയുന്നത്. എന്നാൽ അതിനെ ഒക്കെ മാധ്യമങ്ങൾ വളച്ചൊടിക്കുന്നു എന്ന് ഒലെ പറഞ്ഞു.
പോഗ്ബയുടെ ടീമിനോടുള്ള ആത്മാർത്ഥതയിൽ താൻ തൃപതനാണെന്നും ഒലെ പറഞ്ഞു. പോഗ്ബ ചെൽസിക്ക് എതിരായ ലീഗിലെ ആദ്യ മത്സരത്തിൽ രണ്ട് അസിസ്റ്റുമായി തിളങ്ങിയിരുന്നു. പോഗ്ബ മികച്ചൊരു പ്രൊഫഷണലാണെന്നും ഒലെ കൂട്ടിച്ചേർത്തു.
