മാഞ്ചസ്റ്റർ യുണൈറ്റഡ് താരം പോൾ പോഗ്ബ ക്ലബ് വിടുമെന്ന അഭ്യൂഹങ്ങൾ ശക്തമാവുമ്പോഴും താരത്തിന് പൂർണ്ണ പിന്തുണ പ്രഖ്യാപിച്ച് പരിശീലകൻ ഒലെ ഗണ്ണാർ സോൾഷ്യാർ. പോൾ പോഗ്ബയുടെ സർവ്വ ശ്രദ്ധയും മാഞ്ചസ്റ്റർ യുണൈറ്റഡിൽ തന്നെ ആണ് എന്ന് ഒലെ പറഞ്ഞു. എപ്പഴും കളിക്കാനും ടീമിനായി മികച്ച സംഭാവനകൾ നൽകാനുമാണ് പോഗ്ബ ആഗ്രഹിക്കുന്നത് എന്നും. പോഗ്ബ ടീമിനൊപ്പം തന്നെ ആണെന്നും ഒലെ പറഞ്ഞു.
പരിശീലനത്തിന് എത്താതെയും മറ്റു ആത്മാർത്ഥത കാണിക്കതെയും ഒക്കെ ക്ലബ് വിടാൻ ശ്രമിക്കുന്ന താരങ്ങൾ മുമ്പ് ക്ലബിൽ ഉണ്ടായിരുന്നു. ഇപ്പോൾ അങ്ങനെ ആരും ഇല്ല. പോൾ പോഗ്ബ ഒരിക്കൽ പോലും പരിശീലനത്തിന് എത്താതെ നിന്നിട്ടില്ല എന്നും ഒലെ ഗണ്ണാർ സോൾഷ്യാർ പറഞ്ഞു. ഫുട്ബോൾ ഒരു ടീം ഗെയിംഗ് ആണെന്നും ആ ടീമിന്റെ ഭാഗം മാത്രമാണ് പോഗ്ബ എന്നും ഒലെ പറഞ്ഞു.
