ജനുവരി ട്രാൻസ്ഫർ വിൻഡോയുടെ അവസാന ദിവസം മാഞ്ചസ്റ്റർ യുണൈറ്റഡ് സൈൻ ചെയ്ത ഓസ്ട്രിയൻ മിഡ്ഫീൽഡർ മാർസെൽ സബിറ്റ്സർ മാഞ്ചസ്റ്റർ യുണൈറ്റഡിൽ തുടരാൻ ആഗ്രഹിക്കുന്നു എന്ന് വ്യക്തമാക്കി. ഇംഗ്ലീഷ് പ്രീമിയർ ലീഗാണ് ഏറ്റവും മികച്ച ലീഗ് എന്നും ഇതിനെക്കാൾ മികച്ച ലീഗ് എവിടെയും ഇല്ല എന്ന് ഞാൻ മനസ്സിലാക്കുന്നു എന്നും സബിറ്റ്സർ പറഞ്ഞു. മാഞ്ചസ്റ്റർ യുണൈറ്റഡിൽ തുടരുന്നത് ആലോചിക്കുന്നുണ്ട്. ടെൻ ഹാഗ് തന്നിൽ അർപ്പിച്ച വിശ്വാസം തനിക്ക് സന്തോഷം നൽകുന്നു എന്നും സബിറ്റ്സർ പറഞ്ഞു.
സാബിറ്റ്‌സറിന്റെ യുണൈറ്റഡ് എത്തിയതു മുതലുള്ള പ്രകടനങ്ങൾ യുണൈറ്റഡ് ആരാധകരിൽ മതിപ്പുളവാക്കിയിട്ടുണ്ട്. കസെമിറോയുടെ അഭാവത്തിൽ യുണൈറ്റഡ് മധ്യനിരയിൽ വലിയ റോൾ കൈകാര്യം ചെയ്യേണ്ടി വന്ന സബിറ്റ്സർ ഇതുവരെ നിരാശപ്പെടുത്തിയിട്ടില്ല. ബയേണിൽ നിന്ന് ലോണിൽ എത്തിയ താരത്തിന്റെ ലോൺ കരാറിൽ ബൈ ക്ലോസ് ഇല്ല. അതുകൊണ്ട് തന്നെ താരത്തെ സ്വന്തമാക്കുക യുണൈറ്റഡിന് എളുപ്പമായിരിക്കില്ല.
