പ്രീമിയർ ലീഗിൽ ഇന്ന് ലീഡ്സ് യുണൈറ്റഡിനെതിരെ വീണ്ടും മാഞ്ചസ്റ്റർ യുണൈറ്റഡ് ഇറങ്ങും. ഇന്ന് ലീഡ്സ് യുണൈറ്റഡിന്റെ ഹോം ഗ്രൗണ്ടിലാണ് മത്സരം നടക്കുന്നത്, ഇന്ത്യൻ സമയം രാത്രി 7.30ന് ആണ് കിക്കോഫ്. ആരാധകർക്ക് എല്ലാ മത്സരം Starsports-ലും Hotstar-ലും തത്സമയം കാണാം.
മൂന്ന് ദിവസം മുമ്പ് ഓൾഡ് ട്രാഫോർഡിൽ നടന്ന മത്സരത്തിൽ ലീഡ്സ് യുണൈറ്റഡ് മാഞ്ചസ്റ്റർ യുണൈറ്റഡിനെ 2-2 എന്ന സമനിലയിൽ തളച്ചിരുന്നു. അന്ന് യുണൈറ്റഡ് 2-0ന് പിറകിൽ പോയ ശേഷം തിരികെ വരികയായിരുന്നു. ലീഡ്സ് യുണൈറ്റഡിന് അവരുടെ സ്വന്തം തട്ടകത്തിൽ ഇന്ന് മാഞ്ചസ്റ്റർ യുണൈറ്റഡിനെ പരാജയപ്പെടുത്താനുള്ള ആത്മവിശ്വാസം കഴിഞ്ഞ മത്സരത്തിലെ പ്രകടനത്തിൽ നിന്ന് ലഭിച്ചിട്ടുണ്ടാകും. മാഞ്ചസ്റ്റർ യുണൈറ്റഡ് ആകട്ടെ തങ്ങളുടെ അവസാന മത്സരത്തിലെ പിഴവുകൾ ആവർത്തിക്കാതിരിക്കാൻ ആകും നോക്കുക.
മാഞ്ചസ്റ്റർ യുണൈറ്റഡ് നിലവിൽ പ്രീമിയർ ലീഗ് ടേബിളിൽ മൂന്നാം സ്ഥാനത്താണ്, ലീഡ്സ് യുണൈറ്റഡ് റിലഗേഷൻ പോരാട്ടത്തിലാണ് ഇപ്പോഴും. സസ്പെൻഷനിലായ കാസെമിറോ, പരിക്ക് മൂലം ആന്റണി, ആന്റണി മാർഷ്യൽ എന്നിവരുടെ സേവനം ഇല്ലാതെയാണ് മാഞ്ചസ്റ്റർ യുണൈറ്റഡ് ഈ മത്സരത്തിന് എത്തുന്നത്.
