ഇംഗ്ലീഷ് ഗോൾകീപ്പറുമായുള്ള ജോർദാൻ പിക്ക്ഫോർഡിന്റെ കരാർ നീട്ടാൻ എവർട്ടൺ ക്ലബ് ഒരുങ്ങുന്നു. ചർച്ചകൾ അതിന്റെ അവസാന ഘട്ടത്തിലാണെന്നു ഫബ്രിസിയോ റൊമാനോ അടക്കമുള്ളവർ റിപ്പോർട്ട് ചെയ്യുന്നു. 202വരെയുള്ള കരാർ ആകും പിക്ക്ഫോർഡിന് എവർട്ടൺ നൽകുക. ഇപ്പോൾ റിലഗേഷൻ ഒഴിവാക്കാനായി പൊരുതുന്ന എവർട്ടണ് പിക്ക്ഫോർഡ് കരാർ പുതുക്കുന്നത് വലിയ ആത്മവിശ്വാസം നൽകും.
2017-ൽ എത്തിയതുമുതൽ ക്ലബ്ബിന്റെ പ്രധാന കളിക്കാരനാണ് 28-കാരൻ, ടോഫിസിനായി 200ൽ അധികം മത്സരങ്ങൾ കളിച്ചിട്ടുണ്ട്. ഇംഗ്ലീഷ് ദേശീയ ടീമിന്റെയും ഒന്നാം നമ്പർ ആണ് പിക്ക്ഫോർഡ്. 2018 ലോകകപ്പിന്റെ സെമിഫൈനലിലേക്കുള്ള ത്രീ ലയൺസ് ഓട്ടത്തിൽ നിർണായക പങ്കുവഹിച്ച പിക്ക്ഫോർഡ് ഖത്തർ ലോകകപ്പിലും നല്ല പ്രകടനങ്ങൾ കാഴ്ചവെച്ചിരുന്നു. ഇപ്പോൾ 21 പോയിന്റുമായി പതിനാറാം സ്ഥാനത്താണ് എവർട്ടൺ ഉള്ളത്.
