അലിസൻ ആൻഫീൽഡിലേക്ക് എന്ന സന്തോഷ വാർത്തക്ക് പിന്നാലെ ലിവർപൂൾ ആരാധകർക്ക് കടുത്ത നിരാശ സമ്മാനിക്കുന്ന വാർത്തയാണ് ആൻഫീൽഡിൽ നിന്ന് എത്തുന്നത്. മധ്യനിര താരം അലക്സ് ഓക്സലൈഡ് ചെമ്പർലൈന് ഈ സീസൺ പൂർണമായും പുറത്ത് ഇരിക്കേണ്ടി വരും. ഗുരുതര പരിക്കേറ്റ താരത്തിന് തിരിച്ചുവരാൻ ഇനിയും ഏറെ സമയം എടുക്കും.
24 വയസുകാരനായ താരത്തിന് ഏപ്രിലിൽ റോമക്ക് എതിരായ ചാമ്പ്യൻസ് ലീഗ് സെമി ഫൈനലിന് ഇടയിലാണ് പരിക്കേറ്റത്. ലിഗ്മന്റ് ന് ഏറ്റ പരിക്കാണ് താരത്തിന് കരിയറിലെ ഒരു സീസൺ നഷ്ടമാകും വിധം പുരത്തിരിക്കേണ്ടി വന്നത്. ശസ്ത്രക്രിയ കഴിഞ് വിശ്രമത്തിലുള്ള താരം തിരിച്ചെത്താൻ സമയമെടുക്കും എന്ന് ലിവർപൂൾ പരിശീലകൻ യുർഗൻ ക്ളോപ്പാണ് സ്ഥിരീകരിച്ചത്.
കൂടുതൽ കായിക വാർത്തകൾക്ക് : www.facebook.com/FanportOfficial
